Америкадаги Пердью университети муҳандислари қоғоз ёки картонни таркибида фтор бўлган зарралар билан қоплаб, янги чоп этиш принципини яратди. Бу каби қоғоздан клавиатура сифатида фойдаланиш мумкин, деб ёзади Gizmodo.
Маълумотларга кўра, махсус қопламали зона автоном Bluetooth алоқани қўллаб-қувватлаши мумкин ва шу усулда чоп этилган қоғоз фойдаланувчининг бармоғи тегишидан энергия ҳосил қилади ҳамда ташқи қувватланиш манбаларини талаб этмайди.
Экспертларнинг таъкидлашича, бу каби қоғоздан турли соҳаларда фойдаланиш мумкин: «ақлли» қадоқлардан тортиб, гаджетларга қадар. Муҳандисларнинг сўзларига кўра, қанчадир вақтдан кейин бу каби клавиатурани исталган одам ўзи мустақил чоп эта олади. Шу билан бирга, бундай технология арзон ва тайёрланиш тезлиги билан ажралиб туради.
Изоҳ (0)