Навоий вилоятида жойлашган 5 та тарихий объект ЮНЕСКО Бутунжаҳон маданий мероси ёдгорликлари рўйхатига киритилди, дея хабар бермоқда вилоят ҳокимлиги ахборот хизмати.
Қайд этилишича, Президентнинг 2019 йил 12–13 март кунлари Навоий вилоятига ташрифи давомида берилган топшириғи ва кенгайтирилган тарзда ўтказилган 11-сонли йиғилиш баёнининг 107-бандига мувофиқ «Буюк Ипак Йўли»нинг Зарафшон—Қорақум қисмида жойлашган «Қосим Шайх», «Мирсаид Баҳром», «Работи Малик», «Сардоба», «Мавлоно Ориф Деггароний» маданий мерос объектларини ЮНЕСКОнинг Бутунжаҳон маданий мероси ёдгорликлари рўйхатига киритиш вазифаси топширилган.
Мазкур топшириқ ижроси юзасидан юқорида кўрсатилган объектларни ЮНЕСКОнинг Бутунжаҳон маданий мероси рўйхатига киритиш бўйича 2019 йилнинг 20 май куни вилоят туризмни ривожлантириш ҳудудий бошқармаси ва Ўрта Осиё Халқаро тадқиқотлар институти (IICAI) ўртасида лойиҳанинг умумий қиймати 11 00,0 миллион сўмлик икки томонлама шартнома имзоланди.
Маълум қилинишича, «Қосим Шайх», «Мирсаид Баҳром», «Работи Малик», «Сардоба», «Мавлоно Ориф Деггароний» маданий мерос объектларини ЮНЕСКОнинг Бутунжаҳон маданий мероси ёдгорликлари рўйхатига киритиш ишлари 2021 йилнинг апрель ойида тўлиқ якунланади.
Изоҳ (0)