Суратга олиш майдончасида учрашган ҳамда ажойиб жуфтлик ролини ижро этган актёр ва актрисаларнинг айримлари кейинчалик ҳам ҳақиқий жуфтликка айланди. Уларнинг муҳаббати фильмдан сўнг ҳаётда ҳам давом этди.
Жон Сноу ва Игритт
Кит Харингтон ва Роуз Лесли
«Тахтлар ўйини» фильми актёрлари ролларини бир-бирига муҳаббат ва иштиёқ билан ижро этаётган эди. Суратга олишдан кейин ҳам уларнинг орасидаги ишқий муносабат худди сериалдагидек давом этди. Айни пайтда жуфтлик расман никоҳдан ўтган.
Эдвард ва Белла
Роберт Паттинсон ва Кристен Стюарт
«Сумерки» сериали кўпчилик томошабинларга маълум. Кимгадир маъқул келди, кимгадир йўқ. Бош қаҳрамонлар Эдвард ва Белла ҳақида эса уларнинг ҳаётда ҳам давом этган муҳаббати орқали билиш мумкин. 2008 йилда жуфтликлар ҳаётда ҳам учрашишни бошлади, аммо 2012 йилга келиб уларнинг муносабати якун топган.
Хюго ва Баби
Марио Касас ва Мария Вальверде
«Осмондан уч метр юқорида» фильми актёрлари ҳам суратга олиш жараёнидаёқ бир-бирига ошиқ бўлган. Фильм премьерасида улар ҳақиқий жуфтликка айланиб улгурганди. Аммо орадан 4 йил ўтиб, 2014 йил уларнинг муносабатига нуқта қўйилди ва Касас бошқа актриса билан ишқий муносабат ўрнатишга киришди.
Хел ва Керол
Райан Рейнолдс ва Блейк Лайвли
«Яшил чироқ» фильми суратга олинаётган пайтда Рейнолдс Скарлетт Йоханссон билан, Лайвли эса Ди Каприо билан жуфлик эди. Аммо фильмдан сўнг иккиси ҳам ҳаммасини унутиб, учраша бошлади. Лайвли Райанни рад этолмагани кўриниб турибди, сабаби улар ҳозирда бир оилани ташкил этади.
Тайлер ва Нора
Ченнинг Татум ва Женна Дуан
«Олға қадам» фильмидаги Тайлер ва Нора жуфтлиги қанчалар томошабинни хурсанд қилган бўлса, суратга олиш ишлари якунлангандан сўнг уларнинг ҳаётда ҳам жуфтлик бўлиши янада кўпроқ қувонтирди. Ҳозирда жуфтликнинг Татумга ўхшаган Эверли исмли қизалоғи бор.
«Жаноб Смит ва Смит хоним»
Бред Питт ва Анжелина Жоли
Жаноб Смит ва Смит хоним чиндан ҳам ажойиб жуфтлик эди. Улар ҳаётда ҳам шундай давом этди. Олти фарзанднинг ота-онасига айланаган Бред ва Анжелина афсуски ажрашишга қарор қилди ва бу ҳали ҳам мухлислар орасида муҳокамага сабаб бўлмоқда.
Изоҳ (0)