Қуйидаги машҳурларнинг мухлислари ҳали-ҳамон уларнинг ҳаётдан кўз юмганига ишонолмайди.

Майкл Жексон

Фото: Grazia

Поп қироли Майкл Жексон 2009 йилда уйқу дори воситаларини миқдоридан кўп қабул қилгани сабаб вафот этган. Қўшиқчининг тўсатдан вафот этиши мухлислар ва шоу-бизнес учун катта йўқотиш бўлган. Жексон 1993—2003 йиллар орасида норасида болалар билан боғлиқ жиноятда айбланган, қарзга ботган, кредит тўлай олмаган. Бу каби воқеалардан келиб чиқиб, хонанда мухлислари уни сўнгги вақтдаги доимий таҳқирлашлар ва тушкунликдан чарчаган ҳамда янги ҳаёт бошлашга қарор қилган деган фикрда.

Элвис Пресли

Фото: Grazia

Элвис 1977 йилда медикаментларни миқдоридан ортиқ қабул қилгани сабаб ҳаётдан кўз юмган. Қўшиқчи мухлисларининг таъкидлашига қараганда Элвис, шоу-бизнесни буткул тарк этишни истагани сабаб ўзини ўлганга чиқарган. Элвиснинг ўлими сабабини аниқлаш учун терговнинг махфий ўтказилгани ва ижодкор танаси сурати йўқ экани каби фактлар эса юқоридаги фикрнинг рост деб ўйлашга асос бўлади. Қолаверса, йиллар ўтганидан кейин Америкада Преслининг сирли фарзанд ва набиралари пайдо бўлиши ва уларнинг хонанда ўлими эълон қилингандан кейин ҳам тирик бўлганини маълум қилгани эса янада ажабланарли.

Малика Диана

Фото: Grazia

Қалблар маликаси деб эътироф этиладиган Диана, 1997 йилда автоҳалокат оқибатида вафот этган. Шундан кейин айрим мухлислар маликанинг ўлимида қиролича Елизаветтанинг қўли бор деб ўйласа, бошқалар Диана жиддий жароҳат олишига қарамай тирик қолган деб ҳисоблаган. Тахминларга кўра малика, оддий аёл каби ҳаёт кечириш ҳамда собиқ турмуш ўртоғи ҳаётига соя солмаслик учун қироллик оиласи билан келишувга асосан гўё ўлгандек бўлган. Ушбу қарашнинг тўғри эканини, Диана ёпиқ тобутда дафн қилингани ва ўлимидан кейинги суратлар йўқ экани билдиради.

Мерилин Монро

Фото: Grazia

1962 йилда Голливуд юлдузи барбитуратларни ортиқча миқдорда қабул қилгани оқибатида вафот этган. Тергов натижасига кўра, эса унинг ўлимини бахтсиз ҳодиса эмас, ўз жонига қасд қилиш деб топилган. Ўлимидан аввал актриса, психологик тушкунликдан азият чеккан ва доимий равишда дори қабул қилган. Аммо мухлислар бунга ишонмаган ва унинг ўлими билан боғлиқ икки хил қараш вужудга келган. Биринчиси — у муносабатда бўлган президент Кеннеди ҳақида кўп нарса билган ва шу сабаб мафия томонидан ўғрилаб кетилган, иккинчиси — Мерилин ўлими президентнинг ўзи томонидан саҳналаштирилган, актриса бўлса, Швейцариядаги нерво-психологик клиникага жойлаштирилган.

Тупак Шакур

Фото: Grazia

Реп ижрочиси 1996 йилда реанимацияда кўп қон йўқотишдан вафот этган. Тупакнинг, тез ёрдам машинаси ҳамда шифохонада олинган суратлари борлигига қарамай, мухлислари унинг тирик ва соғлом эканига ишонади. Шакурнинг собиқ соқчиси ҳам ушбу версияни тасдиқлаган ва рэперни Кубада яшаётганини билдирган. Бундан ташқари, қамоққа олиниш арафасида бўлган қўшиқчининг йўқ бўлиб қолиши унга қўл келган бўлиши мумкин деган қарашлар ҳам йўқ эмас.