Америкалик хонанда ва актриса Женнифер Лопес гўзаллик сирлари билан бўлишди.
«Машғулотлар туфайли инсон ўзини 100 фоиз бахтли ҳис этишига аминман. Ишонаманки, агар инсон танаси ва соғлиги учун ғамхўрлик қилса, севган инсонларига ҳам меҳр кўрсатишда куч топади. Шунинг учун спорт билан шуғулланиш жуда муҳим», – дейди Женнифер Лопес.
Женнифернинг машғулоти
Женнифер чиндан ҳам айтганларини амалда қўллайди. У ҳафтасига 3-4 марта машғулотга боради. Шунингдек, репетиция ва концертларда ҳам тинимсиз рақсга тушади.
У эрталабдан спорт залга боради, Нью-Йоркда унга Дэвид Кирш, Лос-Анжелесда Трейси Андерсон мураббийлик қилади.
Шунингдек, мураббийлар машғулотга ўз усулларига кўра ёндашади. Трейси тана вазнга оид, оёқ ва сон мушакларини кучайтириш, пресс машқлари билан ишлайди.
Кирш эса янада жадалроқ вазифалар билан шуғуллантиради. Кикбоксинг, айланма машғулот, ҳужумга ўтиш… Унинг дастури 16 машқни ўз ичига олади. Женнифер барча машқларни 30 дақиқа давомида бажариб бўлиши керак.
Женнифернинг таомномаси
Актриса ҳеч қачон нозик бўлишга интилмаган. Аммо танаси бақувват ва соғлом бўлиши учун ўзини доимий равишда айрим нарсалардан чеклаб келган. Женнифернинг ҳам кўплаб лотинамерикаликлар сингари ортиқча вазнга мойиллиги бор.
Юлдуз спиртли ичимлик ва қизил гўштдан бутунлай воз кечган. «Спиртли ичимлик терини хунуклаштиради ва ортиқча вазн йиғилишига сабаб бўлади. Шунинг учун зиёфатларда менга сув солинган қадаҳларни уриштириб бўлмайди, дейишганида мен шампан виноси қадаҳини уриштираман ва номига бир ҳўплам ичаман», – дейди у.
Қизил гўшт истеъмолида актриса янада қатъий. «Мен қизил гўштни рационга киритишим биланоқ, ҳатто у тухумнинг ичида бўлса ҳам семиришни бошлайман», – дейди актриса.
Углеводлар ҳамда шакар тўхтатилган маҳсулотлар рўйхатига киритилган. Ун ва макарон маҳсулотлари, пиццани фақат байрам кунлари тановул қилиши мумкин.
Ширинликлар ўрнини меваларга бўшатиб берган юлдуз бу ҳақда «Агар ширинликдан воз кечилса, инсон организмининг шакарга бўлган эҳтиёжи сезилади. Шундан сўнг мевалар худди ширин музқаймоқ каби истеъмол қилинади», дейди.
Женнифер, асосан, балиқ ва сабзавотларни истеъмол қилади. Шунингдек, оқсил ҳам ичади. Бу унга сафарларда энергия сарфини қоплашга ва машғулотларда кўпроқ куч беради.
Женнифер Лопес режими
Актриса интизом борасида жуда қаттиқ. У ўзига фақат «Оскар» тақдирлаш маросими кунигина режимни бузишга рухсат беради. Қолган вақтлари 8 соат ухлаш қонун ҳисобланади.
«Уйқусизлик ёки меъёридан ортиқча овқатланиш ва беғамлик қўшимча вазнга олиб келади. Шунинг учун 9-10 соат ухлашга ҳаракат қиламан. Энг камида 8 соат ухлаш керак», дейди актриса.
Изоҳ (0)