Бир пайтлар афсонавий Капурлар авлодининг вакиласи Каришма Капур ишни ташлаб, фарзандлар тарбияси билан шуғулланишга қарор қилди. Ўшанда бу қарор абадийми ёки вақтинча ҳали аниқ эмас эди. Аммо бир йил олдин «Девона қалб» фильми юлдузи қайтди ва йирик Болливуд оламидаги ўз ўрнини эгаллади.
Албатта, ўша пайтларда Каришма баъзан турли хил реклама роликларида экранларга чиқиб турар, мода тадбирларини ўтказар ва ҳаттоки фильмларда иккинчи даражали ролларни ҳам ўйнар эди. Масалан, Шоҳрух Хоннинг 2018 йилдаги «Ноль» («Zero») фильмида ҳам эпизодик роль ижро этганди.
Каришма актёрлик ўйинларини велосипедда юриш ва сузишга ўхшатиб, шундай дейди:
«Бу ўйин менинг бир қисмимга айланди. Бу ҳеч қачон кетмайдиган нарсалардан биридир. Мен қизиқ бир нарсани кутардим. Чунки фарзандларимнинг кичкиналиги сабаб фильмларда суратга туша олмасдим. Уйда болалар билан қолишни хоҳлардим».
Каришманинг фарзандлари Самайра ва Kиан онасининг кинога қайтганидан хурсанд.
«Улар яна ишлай бошлаганимдан хурсанд. Бу соҳага кириб келганимда жуда ёш эдим. Оиламнинг барча аъзолари актёрлар эди, ҳар бир Капур бу саноатга ўз ҳиссасини қўшди. Мен етарлича кучли меҳнат этикаси билан улғайдим, умид қиламанки, бу фарзандларимга ҳам ўтган».
Шундай бўлса-да, Каришма дуч келган биринчи таклифни қабул қилмади. Актриса нима учун айнан AltBalaji’нинг «Ақлдан озишдан ҳимоя» сериалини танлаганлиги билан ўртоқлашди:
«Бу картина оналаргагина хос бўлган туйғулар ҳақида. У қаерда бўлса ‘қалбини тўкадиган’ она. Мен жуда кўп ролларни ўйнаб, шундай ажойиб карьера қилганимдан бахтиёрман. Лекин бу янги нарса, бошқа платформа. Мен ҳар хил нарсаларни синаб кўришни яхши кўраман. Бу сериал она ҳаётидаги қийинчиликлар ҳақида ҳикоя қилади».
Каришма онаси ва синглиси Карина билан.
https://www.instagram.com/p/B_MX7p0Foax/
Каришма учун энг кучли аёл ва актриса бу унинг онаси Бабита:
«У Карина иккаламизга куч ва мадад берди. Биз ундан кўп нарсани ўргандик. У бизга оилага ҳурмат, пулни қадрлаш, тинимсиз ишлаш, самимий ва яхши инсон бўлиш каби қадриятларни сингдирди. Бу эса ҳақиқатдан ҳам аҳамиятга эга нарсалар, улар сизнинг шахсингизни шакллантиради».
Изоҳ (0)