«Фазилат хоним ва қизлари» юлдузи Афра Сарачоғлу актриса эканлигидан афсусланиши ҳақида сўзлаб берди

Ўзбек томошабинларига «Фазилат хоним қизлари» ҳамда «Опа-сингил қизлари» каби сериаллардаги образлари билан яхши таниш бўлган турк актрисаси Афра Сарачоғлу Re Touch Mag журналига интервью берди.

Ёш бўлишига қарамай турк кино оламида ўз ўрнига эга бўлган Афра Сарачоғли илк бора «Иккинчи имконият» фильмида Нургул Яшилчойнинг қизи – Чечак образида экран юзини кўрди. Ушбу фильм актрисанинг ҳаёти ва кинодаги фаолияти учун ажойиб қадам бўлди.

1997 йил 2 декабрда Истанбулда дунёга келган Афранинг ота-онаси болалигидаёқ ажрашиб кетган. Афра онаси билан биргаликда яшайди. У ҳамиша онасига далда бўлиб келди. Доимо моддий қийинчилик азият чеккан Афра 13 ёшидан ишлай бошлайди.

Аслида фильм режиссёри Ўзжан Дениз эълон қилган кастингга Афранинг онаси қизининг номидан ҳужжат юборган эди. Эскишаҳарга ўқиш учун йўлга чиққан бўлажак актриса онасини ҳам ёлғиз қолдирмади. Она ҳам қизининг актрисалик фаолиятини йўлга қўйишда бош бўлди. 2016 йил Ўзжан Дениз ҳамда Нургул Яшилчой каби таниқли актёрлар билан биргаликда «Иккинчи имконият» фильмида рол ижро этиш Афрага насиб этди.

2018 йил «Яхши ўйин» фильмида актёр Мерт Язижиўғли билан танишиб қолади. Шу ондан бошлаб ўзи каби актёр бўлган Мертга муҳаббат борасида имкон берди. Интервьюларнинг бирида Мерт билан боғлиқ саволга актриса шундай жавоб беради: «Ишомасам, имкон бермасдим, бу менинг дўстларимга ҳам тегишли. Шунинг учун ҳам, аввало, бирор нарсани баҳам кўришим учун ишонч ҳиси пайдо бўлиши керак. Севгида романтик, ҳаётда реалистман!» Энг қизиғи, уларнинг муносабати жиддийлашгани сари бир-бирига меҳр қўйган икки ёшнинг никоҳ тўйи қачон бўлишидан мухлислари хавотирда.

Актрисадан, ҳаётингиз давомида афсусланишга мажбур қилган ишингиз нима, деб сўрашганида,  у «Актриса бўлганим», деб жавоб қайтарди.

Афра Сарачоғлу шу кунгача «Ёмон бола», «Ишқми бу?» фильмлари, «Фазилат хоним ва қизлари», «Опа-сингил қизлари», «Ўқитувчи» сериалларида бош ролларни ижро этган.