«Севги изтироби» актёрлари ҳозир қайси фильм ва сериалларда суратга тушмоқда?

Турк киноижодкорлари томонидан суратга олинган «Севги изтироби» сериали қизиқарли сюжети, маҳоратли актёрлар жамоаси туфайли кўплаб халқаро мукофотларга сазовор бўлди. Унда бош ролларни ижро этган Бурак Ўзчивит, Неслиҳан Атагул, Каан Урганжиўғлу, Мелиса Асли Памук каби актрисалар нафақат туркий тилли мамлакатлар, балки Европа давлатларида ҳам машҳурликка эришди. Қуйида сериал актёрлари ҳозир қандай фильмларда суратга тушаётгани ҳақида маълумотлар келтирилади.

Бурак Ўзчивит (Камол)

https://www.instagram.com/p/B_fXUKcFp9e/

Туркиянинг энг кўркам актёри Бурак Ўзчивит «Севги изтироби»дан кейин бир неча фильмларда қатнашди. У «Қурилиш: Усмон» тарихий драмасида бош ролни ижро этди. Ҳозирда бу сериал бир неча мамлакатларда намойиш этилмоқда. Бурак Ўзчивит «Муҳташам юз йил» тарихий сериалида иштирок этиб, катта тажриба орттирган. Шу сабабдан ҳам у жанговар ҳукмдор образларини муваффақиятли ижро эта олади.

Неслиҳан Атагул (Ниҳон)

Маҳоратли актриса Неслиҳан Атагул «Севги изтироби»дан кейин қисқа танаффус олди. ОАВ актрисани ҳатто биринчи фарзандига тайёргарлик кўраётганликда гумон қилди. Аммо 2018 йили «Туб» қисқа сериалида актёр Илкер Калели билан биргаликда рол ижро этди. Ҳозир Неслиҳан «Элчининг қизи» драмасида иштирок этяпти. Сериал аллақачон юқори рейтинг олиб, кўплаб мухлислар эътиборига тушди. Актёр Энгин Акюрек Неслиҳаннинг партнёрига айланди.

Каан Урганжиўғли (Амир)

Харизматик актёр Каан Урганжиўғли «Севги изтироби»даги Амир ролидан  кейин «Севги 101» ёшлар драмасида Камол ижобий образини гавдалантирди. Маълум бўлишича, сериал иккинчи мавсумга ҳам узайтирилади. 

Хазал Фелиз (Зайнаб)

«Севги изтироби»дан кейин Хазал Фелизга фильмларда бош роллар учун таклифлар туша бошлади. 2017 йилда актриса «Уйқу» сериалида рол ижро этди. Яқинда «Қаҳратон» драмасида суратга тушиш ишларини якунлади

Мелиса Асли Памук (Асу)

Актриса Мелиса Памук Асу ролидан кейин «Тўқнашув» сериалидаги образи билан ҳам муваффақият қозонди. Ҳозирда актриса «Янги ҳаёт» сериалида суратга тушишни бошлади.

Зеррин Текиндор (Лайло)

«Севги изтироби»да томошабинларнинг севимли образларидан бири Лайло – актриса Зеррин Текиндорни «Совуқ» драмасида ҳам кўриш мумкин. Актриса бундан олдин «Лочин адири» сериалида суратга тушган.

Чагла Демир (Бону)

«Севги изтироби»даги яна бир гўзал образ Бону актриса Чагла Демир томонидан ижро этилган. Яқинда актриса «Қўлимни қўйиб юборма» сериалида суратга тушишни якунлади.