Самарқанд вилояти Жомбой тумани ҳудудида жойлашган Зарафшон табиат миллий боғида 2000 квадрат метр майдонда 26 июль, якшанба куни соат 00:47 лар атрофида ёнғин содир бўлган. Бу ҳақда Фавқулодда вазиятлар вазирлиги ахборот хизмати хабар қилган.
Фото: Видеодан скриншот
Хабарга кўра, тўқайзордаги қуруқ ўт ёниб кетган. Ёнғин қутқарув гуруҳи воқеа жойига етиб келган, майдон ўраб олиниб, фавқулодда вазият бартараф қилинган.
2020 йил 19 июнда Шеробод туманининг шимоли-ғарбий ҳудудида жойлашган «Сурхон» давлат қўриқхонасида ёнғин содир бўлгани тўғрисида хабар берилган, кейинчалик Мудофаа вазирлиги ахборот ва оммавий коммуникациялар департаменти ёнғинни ўчиришга 2 та вертолёт жалб этилганини маълум қилган.
