«Челси» бош мураббийи Фрэнк Лэмпард Премьер Лига 37-тури доирасида «Ливерпуль»га қарши кечган ўйиндан (3:5) сўнг ўз фикрлари билан ўртоқлашди.
Трент Александер-Арнольднинг жарима зарбасидан урган голи ва Юрген Клопп билан тортишув ҳақида
«Менимча, ўша вазиятда Ковачич қоида бузмади. Кўплаб қарорлар бизнинг фойдамизга бўлмади. Бироқ менинг Клопп билан муаммом йўқ, у ўз жамоасини фантастик бошқармоқда.
«Ливерпуль»ни ҳурмат қиламан, улар лигада ғолиб чиқди, бироқ шуни деб жуда кеккайиб кетиш ярамайди. Мен шуни билдириб қўймоқчи эдим, аммо ҳаммаси ортда қолди. Ўйин вақтида ҳиссиётларга берилиб кетиш мумкин, шундай бўлди ҳам.
Ўйин ҳақида
«Ажабтовур ўйин бўлди. Ҳатто «Ливерпуль» олдинга ўтиб кетган вақтда ҳам жамоам ҳали ўйинда эканини англаб турардим, бу бизнинг ҳаракатларимиздан ҳам маълум.
Ҳеч қачон мағлубиятдан қониқиб бўлмайди, бироқ «Ливерпуль»нинг дастлабки голлари савиясига қарасак, бу қандай жой экани ва нима сабабдан улар бу қадар омадли экани кўринади. Биз ҳам шунга интиляпмиз», — дейди Лэмпард.
Эслатиб ўтамиз, «Ливерпуль»нинг иккинчи гол олдидан Матео Ковачич жарима майдони яқинида Садио Манега нисбатан қўполлик ишлатди деб баҳоланди. Шундан кейин ҳар икки жамоа мураббийлари ўртасида тортишувли ҳолат юз берди. Белгиланган жарима зарбасини Трент голга айлантирди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)