Испаниянинг «Вильярреал» клуби Унаи Эмери билан келишувга эришди. Бу ҳақда клуб матбуот хизмати хабар бермоқда.
Таъкидланишича, клуб Эмери билан уч йилга мўлжалланган шартнома имзолаган.
Қайд этиш жоиз, Унаи Эмери бунгача Ла Лига клубларида ишлашга улгурган. У «Валенсия» ва «Севилья» клубларини бошқарган ва уч бор Европа Лигасида ғолиб бўлган.
Бундан ташқари, 48 ёшли мутахассиснинг меҳнат дафтарчасида ПСЖ ва «Арсенал» каби жамоалар ҳам бор.
Аввалроқ «Вильярреал» бош мураббий Хавьер Кайлехани истеъфога чиқарганди. Клуб унинг қўл остида Ла Лигада 5-ўринни эгаллаб, Европа Лигасининг гуруҳ босқичига йўлланмани қўлга киритди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)