Ўзбекистонда 2020/2021-ўқув йили учун олий таълим муассасаларининг бакалавриат таълим йўналишларига абитуриентларни онлайн рўйхатга олиш якунланди. Бу ҳақда Давлат тест маркази хабар берди.

Фото: «Дарё»

Рўйхатга олиш 20 июндан 20 июлга қадар барча ҳудудларда ДТМнинг расмий веб-сайти ва Ягона интерактив давлат хизматлари портали , республиканинг 8 та туманида эса Давлат хизматлари марказлари орқали амалга оширилди.

Қайд этилишича, рўйхатдан ўтган жами абитуриентлар сони 1 484 085 нафарни ташкил этди. Шундан 536 144 нафари (36,13 фоиз) 2020 йил битирувчиларидир.

Таълим шакли бўйича:

  • Кундузги таълим шакли – 798 608 нафар (53,81 фоиз);
  • Сиртқи таълим шакли – 648 733 нафар (43,71 фоиз);
  • Кечки таълим шакли – 36 744 нафар (2,48 фоиз).

Тиллар кесимида:

  • Ўзбек тили – 1 297 445 нафар (87,42 фоиз);
  • Рус тили – 139 115 нафар (9,37 фоиз);
  • Қорақалпоқ тили – 44 279 нафар (2,98 фоиз);
  • Бошқа тиллар – 3 246 нафар (0,22 фоиз).

Эслатиб ўтамиз, Ўзбекистонда ОТМларга кириш имтиҳонларини 25 июлдан 20 августгача ўтказиш режалаштирилаётганди. Бироқ Ўзбекистонда коронавирус билан боғлиқ вазиятнинг кескинлашаётгани сабабли 10 июлдан 1 августгача мамлакатда қатъий карантин чоралари жорий қилинди.