Жазирама таътил олиш ва йил давомидаги чарчоқни чиқариш учун яхши баҳона. Сериал ва киноларда тинимсиз суратга тушиб мухлислар кайфияти кўтарилишига сабабчи бўлган шоу-бизнес вакиллари эса ушбу имкониятдан унумли фойдаланмоқда.
Киванч Татлитуғ
«Кумуш» ҳамда «Жасур ва гўзал» сериаллари юлдузи Киванч Татлитуғ, Бодрумдан узоқ бўлмаган ердан 20-30 миллион турк лирасига вилла харид қилган.
Бурак Ўзчивит ва Фаҳрие Эвжан
Юлдузли жуфтлик 2019 йилда Бодрум курорти яқинида жойлашган, ҳовузи бор уйни 90 минг долларга харид қилган. Икки нафар ёрдамчи, боғбон, энага ва ҳайдовчи фаолият юритадиган ушбу уй ҳудудида хизматчилар учун ҳам алоҳида уйча бор. Жуфтлик дам олиш учун Истанбулдан Porsche машинаси ва VIP микроавтобусида ташриф буюрган. Денгизга исталган вақтда чиқиш қулай бўлиши учун катер (кичик кема) харид қилган Бурак куннинг биринчи қисмида Эгей денгизида балиқ овлаш билан машғул бўлади.
Седа Бакан ва Али Эрел
Седа Бакан ва унинг турмуш ўртоғи Али Эрел, ёзни Бодрумда жойлашган ва 3 миллион турк лирасига харид қилинган уйида ўтказмоқда. Жуфтлик таътилга, августда бир ёшни қаршилайдиган қизи Лейла билан биргаликда жўнаб кетган.
Эбру Шаҳин
«Истанбуллик келин», «Беқарор» фильмларидаги ижроси билан ўзбек мухлисларига яхши таниш бўлган Эбру Шаҳин, дам олиш учун Алачатидан 1,5 миллион турк лирасига вилла сотиб олган.
Ўзжан Дениз
«Ишкомли уй», «Июнь оқшоми» сингари сериаллардаги бош қаҳрамон роли билан мухлислар қалбидан жой олган Ўзжан Дениз ҳам дам олиш учун Бодрумни афзал билган. У Яликавак вилласини 6 миллион турк лирасига харид қилган.
Энис Арикан
Актёр Энис Арикан, Чашмада жойлашган уйлардан бирини дам олиш учун 1,5 миллион турк лирасига харид қилган ва актриса Эзгу Мола билан қўшни бўлган.
Изоҳ (0)