Калифорниядаги Сан-Диего университети олимлари томонидан ўтказилган тадқиқотлар натижаларига кўра, бугунги кунда пуллар одамларга кўпроқ бахт олиб келиши мумкинлиги аниқланди. Бахт ва ижтимоий-иқтисодий ҳолатнинг асосий кўрсаткичлари, шу жумладан, даромадлар ва таълим ўртасидаги боғлиқлик барқарор ўсиб бормоқда, деб ёзади Medical Xpress.
Экспертлар 44 мингдан ортиқ америкаликнинг 1972 йилдан 2016 йилга қадар бўлган маълумотларини таҳлил қилиб чиққан. Одамларнинг даромади ва уларнинг ҳаётдан қониқиш даражаси таққосланган. Маълум бўлишича, даромад қанча юқори бўлса, одамлар шунча бахтли бўлади.
Бунга қадар инсоннинг йиллик даромади 75 минг доллардан ошганидан сўнг пуллар бахт даражасига таъсир кўрсатмайди дея ҳисоблаб келинган.
«Мен бахтнинг пулга бу қадар боғлиқлигини кўриб ҳайрон бўлдим ва кўпчилик ишонганидек, маълум бир даромаддан кейин у ‘платўга чиқмайди. Барча эҳтиёжлар қондирилганидан кейин ҳам бахт даражаси ўса бошлайди», — дейди тадқиқот муаллифларидан бири, психолог Жин Твенж.
Тадқиқот натижалари кўпроқ даромадга эга инсонлар бахтлироқ эканлигини исботлаган.
Изоҳ (0)