Ёз кунларидаги жазирамадан терлаш, бунинг оқибатида эса кийимда доғ ҳосил бўлиши янгилик эмас. Ушбу доғлар кўп ҳолларда кир ювиш машинаси ёки оддий усул билан ювилганда ҳам кетмайди, лекин бу ечим йўқ эканини англатмайди. Қуйида қандай усуллардан фойдаланиш орқали терлашдан ҳосил бўлган доғни кетказиш мумкин эканига тўхталамиз.
Фото: Getty Images
1. Бундай вазиятда сизга оддий хўжалик совуни ёрдам бера олади. Ҳиди ва кўриниши ёқимсиз бўлгани билан, у терлаганда пайдо бўлган доғга қарши самарали восита ҳисобланади. Бунинг учун кийимнинг керакли жойига хўжалик совунини суртиб, 15 дақиқа ивитиб қўйинг, кейин бўлса ювиб ташланг.
2. Уч ош қошиқ суюқ совунга, бир ош қошиқда ичимлик содаси ва туз қўшиб аралаштиринг. Аралашмани доғга суртинг ва ярим соатга қолдириб, кейин одатдагидек ювиб ташланг.
3. Яна бир самарали усул — ичимлик содаси қўшилган сувдан фойдаланиш. Содага сув қўшганда бўтқа кўринишини эслатиши керак. Аралашмани доғга суртиб, 15 дақиқадан кейин ювиш тавсия қилинади.
Фото: Getty Images
4. Водород пероксидини, пуркагичли идишга солинг. Доғларга сепинг ва 15 дақиқага қолдиринг. Ювилганида кийимингиз худди янгидек кўринишга эга бўлади.
5. Агарда доғ эски бўлса, унда бензин ёки нашатир спиртида фойдаланиш мумкин. Доғни ушбу суюқликлар билан артинг ва кийимни илиқ сувда совун билан ювинг.
6. Туздан аралашма тайёрлаб олинг. Бунинг учун бир ош қошиқ тузга, бир ош қошиқ сув қўшинг. Пахта дискида доғ устини артинг. Шунда кейин кийимни илиқ сувда ювинг. Мазкур усул, жун ва ипак матосидан тикилган либослар учун тавсия қилинади.
7. Циркага 2:1 нисбатда сув қўшиб аралаштиринг. Футболка ёки кўйлакни ушбу эритмага ивитиб қўйинг. Кейин бўлса, ярим стакан ичимлик содасига ярим ош қошиқ туз ва бир ош қошиқ водород пероксидини қўшинг. Аралашмани кийимдаги доғ бор қисмга суртинг ва 20 дақиқага қолдиринг. Шундан кейин кийимдаги ичимлик содасидан қолган қолдиқларни тозаланг ва ювинг.
8. Юқоридагилар кутилган натижа бермаса, унда эски усулни синаб кўринг — кийимни қайнатинг. Фақат бу усулни табиий пахтадан бўлган матоларда қўллаш тавсия қилинади, бошқа матолар чириб кетиши ва уларни ташлаб юборишдан бошқа чора қолмаслиги мумкин. Бунинг учун катта идишга сув ва майда қилиб қирғичдан чиқарилган совун солинг ва оловга қўйинг ҳамда 2-3 соат давомида қайнатинг. Шундан кейин, кийимни одатдагидек ювишингиз мумкин.
Мавзуга доир: Уйни тоза сақлашга ёрдам берувчи 6 тавсия
