Самарқанд вилоятида 27 июнь, шанба куни икки бошли чақалоқ дунёга келди.

Фото: «Дарё»

Сиам эгизакларининг дицефал турига мансуб бўлган қизлар вилоят перинатал марказида 27 июнь куни кесарча кесиш усули билан дунёга келтирилган. Уларнинг танаси битта, бир жуфтдан қўл ва оёғи бор, юраги ўпкаси, ошқозони ва бачадони иккитадан. Дунёга келган вақтида унинг вазни 4,6 килограммни, бўйи 48 сантиметрни ташкил этган.

29 июнь куни чақалоқ Самарқанд вилояти болалар кўп тармоқли тиббиёт марказига ўтказилган.

Фото: «Дарё»

Чақалоқда нафас ва юрак етишмовчилиги бор. Бола доимий намланган ва илитилган кислород билан нафас олмоқда. Чақалоқнинг аҳволи оғир.

Фото: «Дарё»

Ҳомиладорликнинг 21-ҳафтасида қилинган скринингда ҳомиланинг нуқсони борлигидан ота-онаси хабар топган.