Футбол бўйича Англия Кубоги мусобақасининг чорак финалида «Манчестер Юнайтед» 27 июнь, шанба куни «Норвич» меҳмони бўлди.
Учрашувнинг биринчи бўлимида дарвозалар даҳлсиз қолди. Иккинчи бўлим дебютида Одион Игало «қизил иблислар»ни олдинга олиб чиқди. Бироқ майдон эгалари бунга 75-дақиқада Тодд Кэнтуэллнинг чиройли голи билан жавоб қайтарди.
Асосий вақтда ғолиб номи аниқланмагач, қўшимча бўлимларга мурожаат қилинди. Қўшимча бўлимларнинг иккинчиси якунланаётган бир вақтда Ҳарри Магуайр тўп киритган ҳолда, Манчестер клубини кейинги босқичга олиб чиқди.
Шу тариқа «Манчестер Юнайтед» илк ярим финалчига айланди. Чорак финалнинг қолган уч ўйини 28 июнь куни ўтказилади.
Англия Кубоги
¼ финал баҳси
27 июнь, шанба
«Норвич» — «Манчестер Юнайтед» 1:2
Голлар: 0:1 – 51 Игало, 1:1 – 75 Кэнтуэлл, 1:2 – 118 Магуайр.«Норвич»: Крул, Годфри, Клозе, Ааронс, Льюис (Ида, 118), Кэнтуэлл (Трибулл, 90), Тетти, Маклин, Буэндиа (Дуда, 90), Рупп (Эрнандес, 62), Пукки (Дрмич, 71).
«Манчестер Юнайтед»: Ромеро, Магуайр, Шоу, Диогу Далот (Уильямс, 63), Байи (Марсьяль, 96), Лингард (Рэшфорд, 63), Мактоминай (Матич, 78), Бруну Фернандеш, Фред (Погба, 78), Мата (Гринвуд, 63), Игало.
Огоҳлантириш: Бруну Фернандеш (109).
Четлатиш: Клозе (89).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)