«Барселона» бразилиялик ҳужумчи Неймарни ПСЖдан қайтариб сотиб олиш ғоясидан воз кечди. Бу ҳақида «Sport.es» хабар бермоқда.
Нашр хабарига кўра, Париж клуби футболчи учун 175 миллион евро сўраган ва трансфер шартномасига бошқа футболчиларни қўшиш нияти йўқлигини маълум қилган.
Маълумот учун, Неймар парижликлар сафига 2017 йилда қўшилган. ПСЖ Неймар учун каталон клубига 222 миллион евро тўлаб, уни дунёдаги энг қиммат футболчига айлантирганди.
Аввалроқ «кўк-анорранглилар» бор эътиборини трансфер қиймати 111 миллион еврога тенг бўлган «Интер» ҳужумчиси Лаутаро Мартинесни сотиб олишга қаратиши ҳақида хабар берилганди.
Маълум бўлишича, бир неча ҳафта олдин «Барселона» раҳбарияти ўз футболчиларига яна маошларни камайтириш борасида илтимос билан чиққан. Аммо жамоа аъзолари мазкур таклифга рад жавобини берган. Испания чемпионати яқин орада давом эттирилиши сабаб футболчилар бу таклифга рози бўлмаган.
Мавзуга доир: Лаутаро ёки Неймар? «Барселона»га ким кўпроқ зарур?
Дарвозабонга айланган Неймарни кўрганмисиз?
Янада кўпроқ голлар учун Telegram’даги @Gol_Video каналига обуна бўлинг!
Изоҳ (0)