Улуғнор туманида серия ва рақамлари бир хил бўлган 100 минг сўмлик купюраларни Андижон шаҳридаги «Янги деҳқон бозори» ҳудудида муомалага киритмоқчи бўлган шахс Бош прокуратура ҳузуридаги департамент ходимлари томонидан қўлга олинди. Бу ҳақда Бош прокуратура «Дарё»га маълум қилди.
Фото: «Дарё»
Маълумотларга кўра, Н.Н. исмли фуқарога тегишли мазкур пуллар қалбаки эканлиги шубҳа қилиниб, ашёвий далил сифатида олинган.
Ўтказилган экспертиза натижаларига кўра, пуллар нусха кўчириш йўли билан рангли принтерда чоп этилганлиги маълум бўлган.
Шунингдек, фуқаро Н.Н. қалбаки пулларни 21 май куни «Янги деҳқон бозори» АЖ ҳудудида нотаниш бўлган аёлдан ўзидаги майда пулларни йирик купюрага айлантирган вақтида олганлигини маълум қилган.
Мавзуга доир:
Мазкур ҳолат юзасидан Жиноят кодексининг тегишли моддаси билан жиноят иши қўзғатилиб, тергов ҳаракатлари ўтказилмоқда.
