Жанубий Кореядаги Тэжон шаҳрида жойлашган кафелардан бирининг барида робот хизмат кўрсатишни бошлади. Шунингдек, ушбу кафеда робот официантлар ҳам мавжуд бўлиб, улар ташриф буюрувчиларнинг ижтимоий масофаланишга риоя қилишига ёрдам беради, деб хабар қилади IXBT.

Фото: IXBT

Аниқроқ айтганда, янгилик 60 турдаги қаҳваларни тайёрлашга қодир ва манипулятор ёрдамида тайёр ичимликларни патнисга қўя оладиган қаҳва-машина тизимини ўз ичига олади. Шунингдек, у мобиль платформалар ёрдамида буюртмаларни қабул қилиш ва уларни етказиб беришга ҳам қодир. Роботлар оптимал маршрутни ҳисоблаб, ўзлари мустақил ҳаракатланади. Керакли жойга етиб келган роботлар мижозларга буюртма олиб келинганини маълум қилади.

Фото: IXBT

Янги турдаги коронавирус пандемияси тарқалганидан сўнг Жанубий Кореяда қарийб 11 минг кишида COVID-19 аниқланди, 267 киши вирус қурбонига айланди — мамлакатда секин-аста ижтимоий масофаланиш чоралари енгиллаштирилмоқда. Таъкидланишича, роботлар маълум чекловларга риоя қилинишига ёрдам беради. Мазкур роботлар Vision Semicon компанияси ҳамда давлат илмий институти ҳамкорлигида яратилган. Жорий йилда ишлаб чиқарувчи ва илмий институт камида 30 та кафени роботлар билан таъминлаш ниятида.

Фото: IXBT

Фото: IXBT

Фото: IXBT