АҚШ ҳукумати Оксфорд университетида коронавирусга қарши вакцинани яратиш учун бир миллиард доллардан ортиқ маблағ ажратди. Агарда бу борада муваффақиятга эришилса, Америка 300 миллион дозага эга бўлади, деб ёзади The Washington Times.
Ишлаб чиқарилаётган вакцина лицензияси AstraZeneca фармацевтика компаниясига тегишли.
«Ўйлашимча, бу жуда кўп нарсаларни ваъда қилувчи вакцина», — дейди АҚШ президенти Дональд Трамп.
Шунга қарамай, унинг таъкидлашича, кўплаб компаниялар коронавирусга қарши воситани яратишга яқин турибди, жумладан, бозорнинг гиганти Johnson & Johnson ҳам.
Аввалроқ АҚШнинг Moderna компанияси коронавирусга қарши вакцинанинг клиник синовлари биринчи фазаси ижобий натижалар билан тугаётганини маълум қилган. Шунингдек, АҚШда коронавирусга қарши ДНК-вакцина синовдан ўтказилганди.
Мавзуга доир:
Изоҳ (0)