«Дарё» таҳририятига Тошкент шаҳри Яшнобод тумани «Обод макон» маҳалласида яшовчи биринчи гуруҳ ногирони Садоқат Қиличова моддий ёрдам сўраб мурожаат қилди.

Фото: «Дарё»

Мен асли хоразмликман. Ҳозир онам билан Тошкентда яшаймиз. Худо хоҳласа, ноябрда 36 ёш кираман. Бироқ тезроқ операция қилинмасам, бу ёшни қаршиламаслигим ҳам мумкин...

Туғилганимдан бери дардмандман. Бир ёшимда оёқ-қўлим шишиб кетган. Онам касалхонага олиб борганида шифокорлар мени операция қилишиб, буйрагимга найча улаб қўйишган. Ҳолат яна такрорлангандан кейин буйрагимда тош борлигини айтишиб, яна икки марта операция қилишган.

8 ёшимда менингит бўлиб, оёқ-қўлим ўзимга бўйсунмай қолган. Шифокорлар орқа умуртқа поғонамдан сув олишгач, ўзимга келганман.

14 ёшимда яна тобим бўлмай қолди. Онам мени шифохонага олиб борганида докторлар мени обдан текшириб кўришди. Ҳамда менда жигар эхинококки борлигини айтиб, зудлик билан жигаримни операция қилишган. Афсуски, ўшанда эхинококк илдизи қолиб кетган экан. Бу 2017 йилда яна жигарим оғриб қолганида маълум бўлди. Шифокорлар онамга «Қизингизни энди операция қилолмаймиз, иккала буйраги ҳам қуриган экан, операцияни кўтаролмайди» деб айтишди. Жигаримга найча улаб қўйиб, 1 ой тозалашди.

Фото: «Дарё»

2019 йилда комага тушиб қолдим. Шифокорлар зудлик билан гемодиализ қўйишди. Орадан уч кун ўтиб кўзимни очганман. Нима бўлганини билмайман. Онам «Агар бир соат кечикканимизда, сени бошқа кўрмас эканман» деб йиғлаб юборди. Мана бир йилдан бери гемодиализ оламан.

Онамга қараб раҳмим келади. Бутун умри менга қараб, шифохонада ўтиб кетяпти. Менга жуда боғланиб қолган. Мен ҳам бошқалар каби яшашни, онамнинг хизматида бўлишни келади. Шунинг учун буйрак кўчириб ўтказишмоқчи.

Ҳиндистонлик шифокорлар билан гаплашдик. Айтишларича, операция учун 13 минг доллар кетади, ундан кейин 2 ой давомида Ҳиндистонда бўлиб, муолажаларини олишимиз керак. Бизга жами 25 минг доллар атрофида пул керак. Аммо онам пенсионер, мен эса биринчи гуруҳ ногирониман. Бизда бунча маблағ йўқ.

Онам бечора операциямга пул топаман, деб икки йилдан бери ёрдам сўраб бормаган жойи қолмади. Онамнинг мени деб қийналганини кўриб, виждоним қийналяпти. Барча юртдошларимиздан муборак кунларда ёрдам беришларини сўрайман.

Садоқат Қиличовага хайрия қилишни истаганлар учун керакли маълумотлар:

Пластик карта орқали

Қиличова Садоқат

Саноат қурилиш банк: 8600030432355422

Садоқат Қиличованинг телефон рақами:

(94) 682-10-11

Онаси Розия опанинг телефон рақами

(94) 690-05-86