Ўзбекистон Молия вазирлиги 2020 йил биринчи чорак якунлари бўйича давлат бюджети ижроси тўғрисида ахборот таҳлилий шарҳини тақдим этгани ҳақида хабар берилганди. Таъкидланишича, мамлакатда 2020 йилнинг февралидан буён 4,2 миллион киши ўз маошидан солиқ тўлаган.
Шарҳда келтирилишича, ойига 5,5 миллион сўм ва ундан ортиқ миқдорда маош олувчилар сони ортган. 2019 йилнинг бошида уларнинг сони 151 017 кишини (3,6 фоиз) ташкил этган бўлса, 2020 йилнинг февралида улар 184 858 киши (4,7 фоиз)га етган.
Эслатиб ўтамиз, 2020 йил биринчи чорак якунларига кўра, давлат бюджети даромадлари 28,5 триллион сўмни, харажатлари эса 27,7 триллион сўмни ташкил этиб, давлат бюджети профицити 0,8 триллион сўмни ёки ялпи ички маҳсулотга нисбатан 0,5 фоизни ташкил этди. Коронавирус сабабли 2020 йил давлат бюджетига ўзгартириш киритилган ва бюджет харажатлари оптимизация қилинган.
Маълумот учун, Ўзбекистонда 2018 йилнинг январь март ҳолатига кўра, аҳоли умумий даромадлари 43,2 триллион сўмни, бир кишига ўртача ҳисоблаганда 1,3 миллион сўмни ташкил этганди.
Изоҳ (0)