Коронавирус сабаб тўхтаб қолган футбол бўйича Дания чемпионати ўйинлари 28 май кунидан давом этади.
Дания Суперлигаси матбуот хизматининг маълум қилишича, учрашувлар мухлисларсиз ўтказилади. Суперлига мавсуми тугашига икки тур қолган. Шунингдек, аввалроқ қолдирилган битта учрашув ҳам бор.
Чемпионат коронавирус пандемияси сабаб 9 март куни тўхтаб қолганди.
Данияда COVID-19 инфекциясини юқтириб олганлар сони 10,5 мингдан ошган. 8,3 мингдан ортиқ киши тузалишга муваффақ бўлган. 500 нафардан кўп қурбон берилган.
Маълумот учун, Европада аста-секин спорт мусобақаларини давом эттиришга рухсат берилмоқда. Жумладан, Германия Бундеслигаси баҳслари 16 майдан давом эттирилади.
Шунингдек, Англия ҳукумати мамлакатда 1 июндан барча профессионал спорт мусобақаларини давом эттиришга рухсат берди. Шарт шуки, барча беллашувлар, мусобақалар мухлисларсиз ўтказилади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)