АҚШнинг ESPN телеканали Англия Премьер Лигаси тарихидаги энг омадсиз трансферлар рейтингини тузиб чиқди.
Биринчи ўриндан «Саутҳэмптон»га текинга келган ва жамоада биргина ўйин ўтказган сенегаллик ҳужумчи Али Дианинг трансфери ўрин олди. Грем Сунессга ўзини Жорж Веа деб таништирган одам қўнғироқ қилади ва иқтидорли ҳужумчи борлигини, у яқинда Сенегал терма жамоасида иккита гол ургани ҳамда ПСЖда Веа билан бирга тўп сургани ҳақида айтади. Бироқ Диа ҳаваскорлар лигасида тўп сурувчи 31 ёшли эркак бўлиб чиқади.
Иккинчи ўриндан эса «Лестер» сафида АПЛ ғолиблигини қўлга киритган ва кейинчалик 34,1 миллион фунт эвазига «Челси»га йўл олган Дэниэл Дринкуотер ўрин олди. Кучли учликни 2015 йилда «Интер»дан 9,5 миллион фунт эвазига «Сандерленд»га ўтган Рикардо Альварес трансфери якунлаб берди.
Кучли ўнликдан «Челси»нинг тўртта хариди ўрин олди. 2006 йилда Андрей Шевченконинг «Милан»дан сотиб олиниши улар қаторидан жой олган.
ESPN талқинига кўра Премьер Лига тарихидаги энг омадсиз трансферлар топ-10 лиги:
- Али Диа («Саутҳэмптон», 1996 йил)
- Дэниэл Дринкуотер («Челси», 2017 йил)
- Рикардо Альварес («Сандерленд», 2015 йил)
- Бошко Балабан («Астон Вила», 2001 йил)
- Адриан Муту («Челси», 2003 йил)
- Пабло Освалдо («Саутҳэмптон», 2013 йил)
- Андрей Шевченко («Челси», 2006 йил)
- Томас Бролин («Лидс», 1995 йил)
- Винстон Богард («Челси», 2000 йил)
- Марио Балотелли («Ливерпуль», 2014 йил).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)