AQShning ESPN telekanali Angliya Premyer Ligasi tarixidagi eng omadsiz transferlar reytingini tuzib chiqdi.
Birinchi o‘rindan “Sauthempton”ga tekinga kelgan va jamoada birgina o‘yin o‘tkazgan senegallik hujumchi Ali Dianing transferi o‘rin oldi. Grem Sunessga o‘zini Jorj Vea deb tanishtirgan odam qo‘ng‘iroq qiladi va iqtidorli hujumchi borligini, u yaqinda Senegal terma jamoasida ikkita gol urgani hamda PSJda Vea bilan birga to‘p surgani haqida aytadi. Biroq Dia havaskorlar ligasida to‘p suruvchi 31 yoshli erkak bo‘lib chiqadi.
Ikkinchi o‘rindan esa “Lester” safida APL g‘olibligini qo‘lga kiritgan va keyinchalik 34,1 million funt evaziga “Chelsi”ga yo‘l olgan Deniel Drinkuoter o‘rin oldi. Kuchli uchlikni 2015-yilda “Inter”dan 9,5 million funt evaziga “Sanderlend”ga o‘tgan Rikardo Alvares transferi yakunlab berdi.
Kuchli o‘nlikdan “Chelsi”ning to‘rtta xaridi o‘rin oldi. 2006-yilda Andrey Shevchenkoning “Milan”dan sotib olinishi ular qatoridan joy olgan.
ESPN talqiniga ko‘ra Premyer Liga tarixidagi eng omadsiz transferlar top-10 ligi:
- Ali Dia (“Sauthempton”, 1996-yil)
- Deniel Drinkuoter (“Chelsi”, 2017-yil)
- Rikardo Alvares(“Sanderlend”, 2015-yil)
- Boshko Balaban (“Aston Vila”, 2001-yil)
- Adrian Mutu (“Chelsi”, 2003-yil)
- Pablo Osvaldo (“Sauthempton”, 2013-yil)
- Andrey Shevchenko (“Chelsi”, 2006-yil)
- Tomas Brolin (“Lids”, 1995-yil)
- Vinston Bogard (“Chelsi”, 2000-yil)
- Mario Balotelli (“Liverpul”, 2014-yil).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)