Гўзаллик ёшликка хос деган тушунча, 40 ёшида 20 ёшдагидан-да латофатли машҳурлар суратига назар ташланганидан кейин ўзгариши аниқ. Cosmopolitan нашри ўтган йиллар ташқи кўринишига фақат ва фақат ижобий таъсир кўрсатган юлдузлар ҳақида тўхталди.
Женнифер Энистон (50 ёш)
Женнифер «Дўстлар» сериалининг муваффақиятидан кейин ташқи қиёфасига эътибор беришни бошлаган. Шундан буён Энистоннинг сочи малла рангда, пахмоқ соч турмакларидан воз кечган ҳамда тартибли макияж қилади.
Женнифер Лопес (49 ёш)
Женнифер Лопес 20 ёшида сочлари қўнғироқ, тери ранги оппоқ (ёки оппоқ қилиб бўялган) бўлган. 2000 йилларда хонанда ўзи учун янги услубни кашф қилди ва ташқи қиёфасини ўзгартирди. Аввалига Лопеснинг қиёфаси ва соч турмаги трендларга қараб мослашган бўлса кейинчалик «нюд», яъни табиийдек туюладиган макияж қила бошлаган. Ҳозирда хонанда энди ёшлигидаги сингари оппоқ эмас.
Виктория Бекҳэм (45 ёш)
Муаммоли тери, улама сочлар, ёрқин макияж ва очиқ-сочиқ либослар — буларнинг бари Spice Girls гуруҳида куйлаган вақтида Виктория Бекҳемга хос бўлган. Унинг қиёфаси ва кийиниш услуби 2007 йилдан ўзгара бошлаган. Виктория тўғри овқатланишга амал қилишни бошлаганидан кейин терисидаги муаммолар бартараф бўлган. Шунингдек, улама, калта соч турмаклари, очиқ-сочиқ кийинишга ҳам нуқта қўйган.
Кейт Уинслет (43 ёш)
«Титаник» фильмининг муваффақиятидан кейин Кейт юлдуз бўлиб уйғонди десак хато бўлмайди. Актрисани ортиқча вазн безовта қилган. 90 йилларда Кейт соч ранги ва узунлиги билан боғлиқ турли тажрибалар ўтказиб кўрди. Кейинроқ Кейт ўзини қўлга олди: вазн ташлади, малла сочлардан воз кечди ва кийиниш борасида ўзига ярашадиган услубни топди. Бугунга келиб актриса ҳақиқий «инглиз атиргули» деб аталади.
Ингеборга Дапкунайте (56 ёш)
Актриса Ингеборга ёшлигида ташқи кўриниши ҳақида қаттиқ қайғурганини таъкидлайди. Қилтириқ, ўғил болаларникидек қомат, сийрак сочлари билан актриса ўзига ярашадиган услубни топиш учун бир неча маротаба тажриба ўтказган. Бугунга келиб у ўз услубини топган. Ингеборганинг латофатли қиёфасига қараб бир вақтлар унинг ташқи кўринишида муаммолар бўлганига ишониш қийин.
Ҳолли Берри (52 ёш)
Ҳолли ёшлигида ёрқин макияжни афзал билган бўлса, ҳозирга келиб «нюд» услубида кам бўянишни танлаган ва бу унинг қиёфасида ижобий натижа кўрсатган.
Изоҳ (0)