Хитойнинг Chuwi компанияси катталиги олма ёки лимондек келадиган LarkBox номли мини-компьютерни тақдим этди. Маҳсулот май охирларига бориб Indiegogo’да сотувга чиқади, бироқ унинг нархи ҳозирдан маълум — 199 доллар, деб хабар беради IXBT.
Chuwi компаниясининг таъкидлашича, Chuwi LarkBox 4К тиниқликда видеоларни декодлашга ва замонавий компьютернинг барча функцияларини бажаришга қодир дунёдаги энг кичкина мини-компьютер ҳисобланади. LarkBox ўлчамлари 61х61х43 миллиметрни, оғирлиги 127 граммни ташкил этади. Уни ёнда олиб юриш жуда қулай. LarkBox монитор ёки телевизорнинг орқа паналига VESA орқали ўрнатилиши мумкин. Шунингдек, у иш столидаги монитор қаршисида ҳам кўзга ташланмайди.
Chuwi LarkBox Intel Celeron N4100 процессори базаси яратилган, бироқ ички UHD Graphics 600 видеотезлаштиргич, 6 гигабайт тезкор хотира ва 128 гигабайтли ички хотирага ҳам эга.
Шунингдек, мини-компьютерга Bluetooth 5,0 модули, иккита тўлиқ ўлчамли USB-А разьеми, USB-C, HDMI ва қулоқчин учун 3,5 миллиметрли разьем ўрнатилган.
Изоҳ (0)