Xitoyning Chuwi kompaniyasi kattaligi olma yoki limondek keladigan LarkBox nomli mini-kompyuterni taqdim etdi. Mahsulot may oxirlariga borib Indiegogo’da sotuvga chiqadi, biroq uning narxi hozirdan ma’lum — 199 dollar, deb xabar beradi IXBT.
Chuwi kompaniyasining ta’kidlashicha, Chuwi LarkBox 4K tiniqlikda videolarni dekodlashga va zamonaviy kompyuterning barcha funksiyalarini bajarishga qodir dunyodagi eng kichkina mini-kompyuter hisoblanadi. LarkBox o‘lchamlari 61x61x43 millimetrni, og‘irligi 127 grammni tashkil etadi. Uni yonda olib yurish juda qulay. LarkBox monitor yoki televizorning orqa panaliga VESA orqali o‘rnatilishi mumkin. Shuningdek, u ish stolidagi monitor qarshisida ham ko‘zga tashlanmaydi.
Chuwi LarkBox Intel Celeron N4100 protsessori bazasi yaratilgan, biroq ichki UHD Graphics 600 videotezlashtirgich, 6 gigabayt tezkor xotira va 128 gigabaytli ichki xotiraga ham ega.
Shuningdek, mini-kompyuterga Bluetooth 5,0 moduli, ikkita to‘liq o‘lchamli USB-A razyomi, USB-C, HDMI va quloqchin uchun 3,5 millimetrli razyom o‘rnatilgan.
Izoh (0)