Малайзиянинг AirAsia авикомпанияси коронавирус пандемияси вақтида қўл келадиган махсус кийимни тақдим этди, деб хабар беради Fox News.
Авиакомпания ички ва халқаро авиапарвозлар ишини қисман қайта йўлга қўйган. Мазкур рейсларда экипаж ва йўловчиларнинг COVID-19 билан касалланишининг олдини олиш учун максимал даражадаги хавфсизлик қоидаларига риоя қилинади.
Хусусан, филиппинлик дизайнер Пуэй Куинонес AirAsia стюардессалари учун ноодатий махсус кийимни яратди.
Экипаж аъзолари ниқоб, қўлқоп, юзни ҳимоя қилувчи воситалар, шунингдек, узун енг ва капюшонга эга комбинезонларда юриши керак. Жамланма тиббиёт ходимларининг ҳимоя костюмларини ёдга солади, бироқ кийим қизил-оқ гаммадан ишланган — бу авиакомпания ранги ҳисобланади.
Таъкидланишича, антикоронавирус кийим Таиланддан Филиппинга парвоз қилган рейсда синаб кўрилган.
Аввалроқ гонконглик олимлар коронавирусдан ҳимоя қилишга қодир антивирус қоплама яратгани ҳақида хабар берилганди. Шунингдек, БАА полицияси коронавирусни аниқловчи «ақлли» шлемлардан фойдаланишни бошлаган бўлса, Россияда коронавирусга қарши шлем яратилди.
Изоҳ (0)