Тез-тез қўл ювиш оқибатида тери қуриб қолса нима қилиш керак?

Вирусдан ҳимояланиш учун қўлларни мунтазам совунлаб ювиш ва антисептик воситалардан фойдаланиш натижасида тери қуришни бошлайди. Бундай вазиятда нима қилиш керак? Meduza нашри ушбу саволга жавоб беради.

• Қўлларингизни иссиқ бўлмаган илиқ сувда ювинг (ёдда тутинг, ювиш жараёни 20 сониядан кам бўлмаслиги керак)
• Таркибида pH кам бўлган совундан фойдаланинг (одатда 9,5-11 бўлади). Иложи бўлса, қўлни доимий ювиш учун хўжалик совунидан фойдаланманг. Антибактериал совунларни ҳам олиш тавсия қилинмайди.
• Ювиб бўлгач, қўлингизни авайлаб қуритинг: сочиққа қўлларни сидириб эмас, шимдириб артинг.
• Қўлингизга намлантирувчи крем суртинг. Таркибида ёғ, глицерин, сут кислотаси ва карбамид бўлган кремлардан фойдаланинг. Бу моддалар намликни сақлайди ва терини юмшатади. Ёғсизроқ бўлган кремларни кундузи, аксинчасини уйқудан аввал ишлатиш тавсия қилинади.
• Уй ишлари билан машғул бўлганда, хусусан, тозалаш воситалари ёки бошқа кимёвий воситалардан фойдаланганда қўлқоп кийишни унутманг.
• Ҳаво намлигини назорат қилиб туринг: турар жой ва уй ичидаги ҳаво намлиги 30-50% бўлиши тавсия қилинади.