«Ювентус» ҳужумчиси Пауло Дибала ва унинг севган қизи Ориана Сабатини ҳали ҳануз коронавирусдан халос бўла олмади.
Фото: Instagram
21 март куни Дибала ва Ориана коронавирус юқтириб олгани маълум бўлганди. Бир неча кун аввал жуфтликнинг қон таҳлили вирус йўқлигини кўрсатган. Бироқ учинчи таҳлил натижалари яна коронавирусга ижобий натижа берган.
«21 март куни биринчи тестдан ўтдик ва у ижобий натижани берди. Уч кун аввал биз яна таҳлил топширдик, у инфекция йўқолганини кўрсатди. Учинчи кўрикдан ҳам ўтдик — яна қониқарли. Бизда ҳали ҳануз коронавирус бор. Бу қандай ишлашини ва таҳлиллар нима сабабдан турлича чиққанини билмайман», — дейди Ориана.
Дибаладан ташқари «Ювентус»нинг яна икки нафар футболчиси — Блез Матюиди ва Даниэле Руганида ҳам коронавирус инфекцияси аниқланганди.
Италияда коронавирус юқтириб олганлар сони 124 мингдан ортди. 15 мингдан ортиқ киши вафот этган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
