Ўзбекистонда COVID-19 коронавируси тарқалишини олдини олиш чора-тадбирлари доирасида тиббий ниқоблар қўшилган қиймат солиғидан озод қилиниши мумкин. Бу ҳақда Молия вазирлиги маълум қилган.
«Молия вазирлиги, Ўзбекистон Республикаси Соғлиқни сақлаш вазирининг 2020 йил 20 мартдаги «Тиббий буюмлар рўйхатига ўзгартириш киритиш тўғрисида»ги 114-сонли буйруғига билан юз ниқоблари Тиббий буюмлар рўйхатидан чиқарилиши муносабати билан, юз ниқобларни олиб кириш, ишлаб чиқариш, тайёрлаш ва реализация қилишда солиққа тортиш бўйича қуйидагиларни маълум қилади:
Юз ниқоблари Тиббий буюмлар рўйхатидан чиқарилиши солиққа тортиш масаласи билан боғлиқ бўлмаганлиги, уларни ишлаб чиқариш ҳажмини кўпайтириш кўзлангани учун мазкур буюмлар Тиббий буюмлар сифатида таърифланиб, Ўзбекистон Республикаси Солиқ кодексининг 243-моддасига мувофиқ қўшилган қиймат солиғидан озод этилади.
Юз ниқобларни бепул бериш иқтисодий жиҳатдан ўзини оқлайдиган ҳолат ҳисобланиб, ушбу айланма қўшилган қиймат солиғидан озод этилади», – дейилган Молия вазирлиги матбуот хизмати хабарида.
Мавзуга доир: Жамоат транспортисиз Тошкент: сони ортган велосипед ҳайдовчилари, бўш кўчалар ва бекатлар — суратларда
Мавзуга доир: Коронавирусга қарши вакцинани яратиш учун 20 мингдан ортиқ кўнгилли ўзига вирус юқтиришга рози бўлди
Изоҳ (0)