O‘zbekistonda COVID-19 koronavirusi tarqalishini oldini olish chora-tadbirlari doirasida tibbiy niqoblar qo‘shilgan qiymat solig‘idan ozod qilinishi mumkin. Bu haqda Moliya vazirligi ma’lum qilgan.
“Moliya vazirligi, O‘zbekiston Respublikasi Sog‘liqni saqlash vazirining 2020-yil 20-martdagi “Tibbiy buyumlar ro‘yxatiga o‘zgartirish kiritish to‘g‘risida”gi 114-sonli buyrug‘iga bilan yuz niqoblari Tibbiy buyumlar ro‘yxatidan chiqarilishi munosabati bilan, yuz niqoblarni olib kirish, ishlab chiqarish, tayyorlash va realizatsiya qilishda soliqqa tortish bo‘yicha quyidagilarni ma’lum qiladi:
Yuz niqoblari Tibbiy buyumlar ro‘yxatidan chiqarilishi soliqqa tortish masalasi bilan bog‘liq bo‘lmaganligi, ularni ishlab chiqarish hajmini ko‘paytirish ko‘zlangani uchun mazkur buyumlar Tibbiy buyumlar sifatida ta’riflanib, O‘zbekiston Respublikasi Soliq kodeksining 243-moddasiga muvofiq qo‘shilgan qiymat solig‘idan ozod etiladi.
Yuz niqoblarni bepul berish iqtisodiy jihatdan o‘zini oqlaydigan holat hisoblanib, ushbu aylanma qo‘shilgan qiymat solig‘idan ozod etiladi”, – deyilgan Moliya vazirligi matbuot xizmati xabarida.
Mavzuga doir: Jamoat transportisiz Toshkent: soni ortgan velosiped haydovchilari, bo‘sh ko‘chalar va bekatlar — suratlarda
Mavzuga doir: Koronavirusga qarshi vaksinani yaratish uchun 20 mingdan ortiq ko‘ngilli o‘ziga virus yuqtirishga rozi bo‘ldi
Izoh (0)