Афғонистон президенти Ашраф Ғани асирга олинган «Толибон» радикал ҳаракати аъзоларини афв этиш ва озод этиш ҳақидаги фармонни имзолади. Фармон «Толибон»нинг 1,5 минг нафар аъзосини озод этишни кўзда тутади, деб хабар берди «РБК».
«Толибон» аъзоларининг озод этилиши АҚШ ва «Толибон» ҳаракати ўртасида тузилган тинчлик битимининг шартларидан бири эди.
«Толибон» аъзолари 15 кун давомида ҳар куни 100 кишидан озод қилинади. Фармонда айтилишича, барча озод этилганлар «жанговар ҳаракатлар ҳудудига қайтмасликка ёзма равишда ваъда бериши» керак бўлади.
Радикал ҳаракат аъзоларининг озод қилиниши 4 кун ичида бошланади.
АҚШ ва «Толибон» ўртасида тузилган келишувга кўра, Афғонистон ҳукумати 5 минг нафар жангарини озод қилиши керак. Ашраф Ғани имзолаган фармонда агар музокаралар муваффақиятли давом этса, ҳукумат кўрсатилган сондаги маҳбусларнинг барчаси қўйиб юборилмагунча кунига 500 кишидан озод қилиши белгилаб қўйилган.
9 март куни АҚШ келишувнинг ўзига тегишли бандини бажаришга киришиб, Афғонистондан қўшинларини олиб чиқишни бошлади. АҚШ 14 ой ичида барча қўшинларини олиб чиқишга ваъда берган.
Мавзуга доир: АҚШ Афғонистондан қўшинларини олиб чиқишни бошлади
Изоҳ (0)