АҚШда янги турдаги коронавирус билан касалланганлар сони 35 кишига етди. Бу ҳақда АҚШ касалликлар профилактикаси ва уларни назорат қилиш маркази хабар берди.
Фото: Getty Images
Таъкидланишича, вирусни юқтириб олган 12 киши аввалроқ хориждан қайтиб келган, яна икки ҳолатда вирус бир одамдан бошқасига ўтган. Бундан ташқари уч нафар америкалик Ухандан ватанига қайтган бўлса, 18 фуқаро Япониядаги Diamond Princess саёҳат кемасидан эвакуация қилинган.
Сўнгги маълумотларга кўра, Хитойда ўтган бир сутка давомида COVID-19 коронавируси оқибатида вафот этганлар сони 109 кишини ташкил этди. Бутун мамлакат бўйлаб вафот этганларнинг жами сони 2345 кишига етди. Маълумотларга кўра, Жанубий Кореяда ҳам COVID-19 коронавирусига чалинган бемор вафот этган. Эрон ҳукумати вакиллари мамлакатда икки нафар одамнинг коронавирус оқибатида вафот этганини тасдиқлаган. Diamond Princess кемасидаги икки киши коронавирус оқибатида вафот этгани маълум қилинган.
