Саидмурод Аминжонов Фарғона вилояти ҳокими Шуҳрат Ғаниев қарори билан Фарғона вилояти ҳокими ўринбосари – маҳалла ва оилани қўллаб-қувватлаш бошқармаси бошлиғи этиб тайинланди.
Фарғона вилояти ҳокимлигининг хабар беришича, бу ҳақда 20 февраль куни вилоят фаолларининг йиғилишида маълум қилинди.
Шунингдек, Комила Кавланова унинг 1-ўринбосари, Топволди Холдоров ва Дилмурод Асқаров ўринбосар лавозимига тавсия этилди.
Мажлисда иштирок этган Президент маслаҳатчисининг ўринбосари Олим Солиев Шавкат Мирзиёев бу номзодларни қўллаб-қувватлаганлигини маълум қилди.
Аввалроқ Янги ташкил этилган Бандихон туманига ҳоким ва бошқа сектор раҳбарлари тайинлангани, Боёвут туманига аёл киши ҳоким бўлгани, Тошкент вилояти ҳокимига уч нафар янги ўринбосар тайинлангани хабар берилган эди. Шунингдек, Янгийўл ва Бекобод туманларида ҳам ҳокимлар ўзгарган.
Изоҳ (0)