Нон учун хурсанд бўлган суриялик қизча, коронавирус карантинига қарши украинлар, президентнинг кўзидан яширилган харобалар. 21 февралнинг энг қизиқарли суратлари

21 февраль, жума куни дунёнинг турли бурчакларида олинган энг қизиқарли суратлар жамланмасини тақдим этамиз.

Рай, Эрон

Парламент сайловларида овоз бериш учун навбатини кутаётган аёллар.

Хубэй, Хитой

Юнмен уездидаги шифохонанинг тиббиёт ходимлари компьютер томографияси натижалари билан танишмоқда. Хитойда коронавирус туфайли вафот этганлар сони 2200 нафардан ошиб кетди.

Вена, Австрия

Венада анъанавий 64-бал мавсуми бошланди.

Ар-Риёд, Саудия Арабистони

Подшоҳ саройида Саудия Арабистони подшоҳи Салмон ибн Абдулазиз ас-Сауд АҚШдаги Саудия Арабистони элчиси Рима бинт Бандар билан кўришмоқда. АҚШ давлат котиби Майкл Помпео уларни кузатиб ўтирибди.

Милан, Италия

Модель Кайя Гербер мода ҳафталигида Moschino коллекциясидаги либосни намойиш этмоқда. Кайя 90 йиллардаги супермодел Синди Кроуфорднинг қизи ҳисобланади.

Полтава, Украина

Новие Санжари қишлоғи аҳолиси Хитойдан эвакуация қилинган ҳамюртларининг қишлоққа кирмаслиги учун йўлни тўсиб қўйди.

Новие Санжари қишлоғи аҳолиси Ухандан эвакуация қилинган украиналикларнинг автобусларини тошбўрон қилди.

Азаз, Сурия

Қочоқлар лагерида қўлида нон ушлаб турган қизалоқнинг хурсандчилиги.

Мумбай, Ҳиндистон

Ҳиндистонда АҚШ президенти Дональд Трампнинг ташрифига тайёргарлик ишлари қизғин давом этмоқда.

Аҳмадобод, Ҳиндистон

Ишчилар Дональд Трамп ва Ҳиндистон бош вазири Нарендра Модининг суратини деворга чизмоқда. Шаҳар маъмурияти АҚШ президенти ўтадиган йўл бўйидаги харобаларни девор билан ўраб қўйгани учун танқид остида қолди.

Шанхай, Хитой

Apple дўконида ҳароратини ўлчатиш учун навбатда турган одамлар. Коронавирус туфайли мамлакатдаги кўплаб муассасалар ҳали ҳам ёпиқлигича қолмоқда.

Тошкент

Тошкент шаҳар ҳокими Жаҳонгир Ортиқхўжаев сув тозалаш иншоотлари қувватини ошириш бўйича лойиҳалар билан Шавкат Мирзиёевни таништирмоқда.

Эрон

Эронда ўтказилган парламент сайловларида овоз берган аёл.

Пассо Федая, Италия

Альп тоғларидаги қутқарувчилар ойига икки марта ўқув машғулотларини ўтказиш учун тўпланади. Уларнинг аксарияти кўнгиллилар ҳисобланади.

Ханой, Вьетнам

Нойбай аэропортидаги Vietnam Airlines самолёти бортини дезинфекция қилаётган тиббиёт ходими. Коронавирус туфайли кўплаб авиаташувчилар Хитойга рейсларни бекор қилди.

Виктория, Австралия

Виктория штатида бешта поезд вагони ва локомотив рельсдан чиқиб кетди. Ҳодиса оқибатида икки киши вафот этди.

Буэнос-Айрес, Аргентина

Ветеринар экопаркда 54 ёшли Осиё филига олма бермоқда.

Ухань, Хитой

Коронавирус ўчоғи ҳисобланган Ухань шаҳридаги йўллардан бири велосипедлар билан тўсиб қўйилган.

Лас-Вегас, АҚШ

Дональд Трамп «Маҳбуслар учун умид» дастури битирувчисига диплом топширмоқда.

Калкутта, Ҳиндистон

Маҳа Шиваратри байрамида ибодат қилаётган аёл.

Ломе, Того

Того президентлигига номзод Жан-Пьер Фабрнинг тарафдорлари президентлик сайлови кампанияси доирасидаги якуний митинг олдидан кўчага чиқди. Фабр Тогони 50 йилдан ортиқ вақт давомида бошқарган Гнассингбелар оиласи вакили Фор Гнассингбе устидан сайловда ғалаба қозонишни мақсад қилган.

Кран-Монтана, Швейцария

Австриялик Нина Ортлиб тоғ-чанғи спорти бўйича жаҳон чемпионати мусобақасида.