Самарқанд вилояти Булунғур туманида инсон ўлими билан якунланган йўл-транспорт ҳодисаси юз берди, деб хабар берди Ўзбекистон ИИВ ЙҲХББ ахборот хизмати.

Фото: Ўзбекистон ИИВ ЙҲХББ ахборот хизмати

18 февраль куни соат 06:40 ларда Самарқанд вилояти Булунғур туманида ҳайдовчи О.И. бошқарувида бўлган Isuzu русумли автобус ҳамда ушбу йўналишда қарама-қарши томондан ҳаракатланиб келаган ҳайдовчи Ф.Қ. бошқарувида бўлган Nexia русумли транспорт воситалари иштирокида тўқнашув содир бўлган.

Авария оқибатида Nexia русумли транспорт воситаси ҳайдовчиси Ф.Қ. ва ушбу автомашина йўловчиси Ф.Х.лар воқеа жойида вафот этган.

Йўловчилар Д.Х. ва Н.Р.лар тан жароҳатлари билан шифохонага ётқизилган.

Аввалроқ Самарқанд шаҳрининг Сартепа—Темирйўл вокзали йўналиши бўйлаб қатновчи 1-трамвай ўз йўлидан чиқиб кетиб, катта йўлни тўсиб қўйгани ҳақда хабар бергандик.