Қашқадарёда ЙПХ инспекторларига 11 та янги хизмат автомобили топширилди. Бу ҳақда «Дарё»га вилоят ИИБ Йўл ҳаракати хавфсизлиги бошқармаси ахборот хизмати раҳбари Жавлон Бахтиев хабар берди.
Маълум қилинишича, 10 февраль, душанба куни, Қашқадарё ИИБ бошлиғи Шуҳрат Сотволдиев ЙПХ инспекторларига хизматда фойдаланиши учун 11 та янги Malibu, Cobalt, Gentra ва Nexia-3 русумли автомобилларни топширган.
— Автомашиналарда бугунги кун талабидан келиб чиққан ҳолда фавқулодда йўл-транспорт ҳодисалари содир бўлганда воқеа жойини ўраб олиш учун тўлиқ жиҳозлар мавжуд, — дейди Жавлон Бахтиев. — Бундан ташқари, хизмат автомобиллари «Автокон» радар, видеорегистратор билан таъминланган бўлиб, электрон йўл ҳаракати ишора белгилари ишламай қолганда автомобиллар ҳаракатини тартибга солувчи қўшимча жиҳозларга ҳам эга.
Эслатиб ўтамиз, бундан аввалроқ Тошкентда Йўл ҳаракати хавфсизлиги бошқармаларига 138 та автомобиль топширилганди.
Изоҳ (0)