Хитойнинг Шанхай шаҳри расмийлари аҳолига барча жамоат жойларида ниқоб тақиб юриш мажбуриятини юкловчи қарор қабул қилди. Бу ҳақда Meduza хабар бермоқда.
Жумладан, аэропорт, метро, жамоат транспорти бекатлари, шунингдек, мактаблар, касалхоналар, савдо марказлари ва супермаркетларда фақат ниқобда юриш мумкин. Улардан айримларига кириш чоғида албатта ҳарорат ўлчаб кўрилади.
Мазкур қарор коронавирус туфайли жорий этилган фавқулодда ҳолат бекор қилингунча амалда бўлади.
Маълумот учун, Шанхай Ухандан 670 километр узоқда жойлашган бўлиб, аҳоли сони жиҳатидан Хитойда иккинчи ўринда турадиган ушбу мегаполисда 25 миллионга яқин киши истиқомат қилади.
Изоҳ (0)