Фото: Хитойдаги коронавирус даҳшати — шишиб кетган қўллар, инфекцияланган аёлдан туғилган соғлом чақалоқ, ниқоблар танқислиги

Хитой соғлиқни сақлаш давлат комиссияси мамлакатда коронавирус сабаб 722 киши вафот этгани ҳақида маълум қилди. Умумий ҳисобда касалланганлар сони 30 минг кишидан ошиб кетди.

BigPicture Хитойда давом этаётган мураккаб эпидемик вазият нақадар оғирлигини ифодаланган суратлар тўпламини эълон қилди.

Мамлакатдаги барча тиббиёт ходимлари эпидемия ўчоғига боришга мажбур. Суратда тиббиёт бригадаси аъзоси Уханга боришдан олдин кўз ёшларини артмоқда.

Шифокор аёл турмуш ўртоғи билан хайрлашмоқда.

Ухандаги тиббиёт ходимларига жуда қийин. Суратда навбатдаги иш сменасидан чиққан шифокорнинг қўллари.

Вирус тезлик билан тарқалаётгани сабаб хитойликлар кўчага жуда кам чиқишмоқда. Суратда Пекиндаги доимо гавжум бўладиган Тяньаньмэнь майдони.

Ухань шаҳрининг ўзи ҳам арвоҳ-шаҳарга айланиб қолган.

1,3 миллиард аҳолиси бор Хитойда ниқоб тақмаган инсонни учратмайсиз.

Ниқоблар барчага етмаётгани сабабли айрим хитойликлар бошқа ҳимоя воситаларидан фойдаланмоқда.

Одамлар, асосан, болалар ва қарияларнинг хавфсизлигини таъминлашга уринмоқда, чунки улар касаллик қаршисида заифдир.

Бу янги ниқоб учун дорихоналардан бирининг олдидаги навбат.

Барча аҳолининг тана ҳарорати мунтазам ўлчаб турилмоқда.

Одамлар иложи борича супермаркетлардан узоқ муддатга етадиган егуликларни олишга уринмоқда.

Шу сабаб кўплаб дўконларда тақчиллик юзага келган.

Айрим давлатлар касаллик хавфи сабаб ўз фуқароларини эвакуация қилиб бўлди.

Коронавирусга чалинган аёл соғлом фарзандни дунёга келтирди.