30 январь куни соат 12:50 да «102» рақамига Тошкент шаҳри Учтепа туманидаги Бўзсув каналига аёл кишининг тушиб кетгани ҳақида хабар келиб тушди, деб хабар берди пойтахт ИИББ матбуот хизмати.
Учтепа тумани ИИО ФМБ 1-сонли ИИО ФМБ навбатчилик қисми тезкор навбатчиси воқеа жойига яқин атрофда хизмат олиб бораётган ИИББ ЙҲХБ 4-батальони 3-отряди ходими А.Турсуновни жўнатди.
Сувда чўкаётган аёлни кўриб, ИИББ ходими ўзини сувга отган. Ҳодиса жойига «тез ёрдам» чақирилган.
Қайд этилишича, ҳозирда аёлнинг ҳаёти ва саломатлиги хавфдан холи. Ҳозирда қутқарилган аёл М.М. билан психиатр ишламоқда.
Ҳодиса сабабларига ойдинлик киритилмоқда.
Изоҳ (0)