Хоразмда бошқарувни йўқотган Nexia ағдарилиб кетди. Ҳайдовчи касалхонада вафот этган

20 январь куни соат 02:30 да Хоразм вилояти Янгибозор туманида Nexia-3 ҳайдовчиси йўл четига ағдарилиб кетиб, йўл-транспорт ҳодисасини содир этди, деб хабар беради ИИВ ЙҲХББ ахборот хизмати.

1988 йилда туғилган Nexia-3 ҳайдовчиси «Шовот—Урганч» автомобиль йўлида бошқарувни йўқотиб, йўл четига ағдарилган.

Натижада ҳайдовчи бош қисмидан тан жароҳати олиб, касалхонада вафот этган.

«Ҳурматли йўл ҳаракати иштирокчилари, йўлларда ҳаракатланганда йўл ҳаракати қоидаларига амал қилинг. Йўл ҳушёрлик ва интизомни ёқтиради», — дея огоҳлантиради ИИВ ЙҲХББ.