Футбол бўйича Испания Ла Лигасининг 20-тури доирасида 18 январь, шанба куни навбатдаги 2 та ўйин бўлиб ўтди.
Диего Симеоне қўл остидаги Мадриднинг «Атлетико» клуби меҳмонда «Эйбар»га қарши майдонга тушди.
Учрашувнинг 10-дақиқасида мезбон жамоа ҳимоячиси Эстебан Бургос ҳисобни очган бўлса, 90-дақиқага келиб Эду Экспосито Ян Облак дарвозасига жамоасининг иккинчи голини урди.
Шу тариқа «матрасчилар» сафарда кечган баҳсда «Эйбар»га 0:2 ҳисобида мағлуб бўлди ва очко йўқотди.
Маълумот учун, «Атлетико» 35 очко жамғарган ҳолда мусобақа жадвалида 3-ўринда бормоқда. «Эйбар» эса 22 очко билан 16-ўринда бормоқда.
Ла Лига
20-тур баҳслари
«Осасуна»—«Вальядолид» 0:0
«Эйбар»—«Атлетико» 2:0
Голлар: 1:0 — 10 Бургос, 2:0 — 90 Экспосито«Эйбар»: Дмитрович, Бигас, Бургос, Хосе Анхель, Техеро, Альварес, Инуи, Экспосито, Леон (Кристофоро, 74), Орельяна (Де Бласис, 80), Энрик (Шарлес, 87)
«Атлетико»: Облак, Савич, Арьяс, Фелипе, Сауль, Витоло (Муэс, 87), Эррера (Лоди, 73), Корреа, Томас, Жоау Феликс (Камельо, 83), Мората
Огоҳлантиришлар: Сауль (59), Бургос (62), Савич (85)
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)