Бугун,

  • USD 11095.31
  • RUB 173.84
  • EUR 10772.44

Бухоро вилоятида меҳмонхоналар юкламаси 96,6 фоизни ташкил қилган. Бу ҳақда Туризмни ривожлантириш давлат қўмитаси ахборот хизмати хабар берди.

Бухородаги New Moon меҳмонхонаси.

Бухородаги New Moon меҳмонхонаси.
Фото: MICE Solutions

Бу барча вилоятлар кесимидаги энг юқори кўрсаткич. Иккинчи ўринда Тошкент шаҳри 85,7 фоиз ва учинчи ўринда 82,3 фоиз билан Самарқанд бормоқда.

Бу ўртача олинган кўрсаткичлар, фестиваль, турли хорижий давлатлар раҳбарларининг ташрифи ҳамда туристлар оқимининг юқори чўққига чиқиш вақтида ушбу рақамлар ўзгарган. Туристлар оқимининг ошиб бориши, меҳмонхоналарга бўлган талабнинг ҳам ортишига олиб келади.

Ҳудудлар кесимида жойлашув воситаларининг юкланиш даражаси қуйидагича:

  • Қорақалпоғистон Республикаси – 62,6 фоиз,
  • Андижон вилояти – 65,0 фоиз,
  • Бухоро вилояти – 96,6 фоиз,
  • Жиззах вилояти – 52,5 фоиз,
  • Қашқадарё вилояти – 61,0 фоиз,
  • Навоий вилояти – 74,3 фоиз,
  • Наманган вилояти – 40,6 фоиз,
  • Самарқанд вилояти – 82,3 фоиз,
  • Сирдарё вилояти – 64,4 фоиз,
  • Сурхондарё вилояти – 68,8 фоиз,
  • Тошкент вилояти – 76,1 фоиз,
  • Фарғона вилояти – 42,7 фоиз,
  • Хоразм вилояти – 81,5 фоиз,
  • Тошкент шаҳри – 85,7 фоиз.
2019 йил августида бош вазир ўринбосари Азиз Абдуҳакимов Ўзбекистонга 44 мингта янги меҳмонхона номерлари кераклигини таъкидлаган. У тадбиркорларни меҳмонхоналар қуриш ва бу учун давлатдан субсидиялар олишга чақирганди.

Давлат меҳмонхоналар қурилишига сарфланадиган ҳаражатларнинг маълум қисми қопланишини ваъда қилган. 2019 йил декабрида Самарқандда Grand Hotel Sogdiana’ни қурган тадбиркор 4 миллиард сўм миқдорида пул учун сертификатга эга бўлганди.

2022 йил 1 январига қадар номерлари сони 50 тадан кам бўлмаган уч юлдузли ёки 100 тадан кам бўлмаган тўрт юлдузли категорияга мансуб меҳмонхоналарни фойдаланишга топширган тадбиркорлар давлат томонидан ажратиладиган маблағларга эга бўлади.

Уч юлдузли меҳмонхоналар қуриб фойдаланишга топширган радбиркорга ҳар бир номер учун 40 миллион сўм, тўрт юлдузли меҳмонхонанинг ҳар бир номери учун 65 миллион сўм миқдорида пуллар ажратилади.

Аввал «Тараққиёт стратегияси маркази»да Туризмни ривожлантириш давлат қўмитаси томонидан ўтказилган брифингда Ўзбекистонга 2019 йилда 6 748 500 нафар сайёҳ ташриф буюрган бўлиб, ушбу кўрсаткич 2018 йилда 5 346 200 нафарни ташкил қилгани ва энг кўп туристлар МДҲ мамлакатлари — Қозоғистон, Тожикистон, Қирғизистон, Туркманистон, Россия, шунингдек, Туркия, Афғонистон, Хитой, Жанубий Корея, Ҳиндистон каби давлатлардан келгани маълум қилинганди.

Изоҳ
Asosiy yangiliklar
Дунё
«Дарё» кундалигида 9 декабрда содир бўлган энг муҳим воқеалар
Дунё
Қозоғистон Россияга зирҳли техника жўнатиши ҳақида хабарлар тарқалди (видео)
Маданият
Шаҳзода Гарри ва Меган Маркл янги ҳужжатли фильмда Елизаветта II ни масхаралаб, қироллик оиласи аъзоларини ирқчиликда айблади (видео)