Шавкат Мирзиёев «Ўзбекистон Республикасининг хориждаги айрим муассасалари ташкилий-штат тузилмасини такомиллаштириш ва фаолиятининг самарадорлигини ошириш чора-тадбирлари тўғрисида»ги қарорни имзолади.
Қайд этилишича, ҳужжат сиёсий, савдо-иқтисодий ва маданий-гуманитар соҳаларда икки томонлама ва кўп томонлама ҳамкорликнинг устувор йўналишларини янада илгари суриш ва амалга ошириш, шунингдек, Ўзбекистон фуқароларининг ҳуқуқлари ва қонуний манфаатларини самарали ҳимоя қилишни таъминлаш мақсадида қабул қилинган.
Қарорга кўра, 2020 йилнинг 1 февралидан Ўзбекистоннинг БМТ ҳузуридаги доимий ваколатхонаси ва Ўзбекистоннинг Нью-Йорк шаҳридаги (АКШ) Бош консулхонаси штатлар жадвалига меҳнатга ҳақ тўлаш фондини тегишли равишда ўзгартирган ҳолда тегишлича ҳайдовчи-механик ва биринчи котиб қўшимча лавозимлари киритилди.
Ўзбекистоннинг БМТ ҳузуридаги доимий ваколатхонаси ва Нью-Йорк шаҳридаги Бош консулхонаси янгиланган штатлар жадваллари тасдиқланди.
Ташқи ишлар вазирлиги доимий ваколатхона ва Бош консулхонанинг 2020 йилдаги таъминоти учун харажатлар сметасини штат жадвалларидаги ўзгаришларни ҳисобга олган ҳолда белгиланган тартибда тасдиқлайди.
Ўзбекистон Молия вазирлиги доимий ваколатхона ва Бош консулхона харажатларини штат жадвалларидаги ўзгаришларни инобатга олган ҳолда жорий молия йилининг бюджетида хориждаги муассасаларни молиялаштириш бўйича тасдиқланган миқдорлар доирасида молиялаштиради.
Изоҳ (0)