Россия президенти Владимир Путин 31 декабрь куни Украина етакчиси билан телефон орқали мулоқот қилди, дея хабар бермоқда Кремл матбуот хизмати.
Суҳбат Украина томони ташаббуси билан бўлиб ўтган. Зеленский ва Путин газ транзити бўйича янги шартнома ҳамда яқинда Киев ва Донбасс ўртасида асирлар алмашинуви муҳим аҳамиятга эгалигини қайд этиб ўтган. Шунингдек, икки давлат етакчилари бир-бирларини Янги йил билан қутлаган.
Meduza’нинг қайд этишича, Путин кетма-кет олти йилдан бери Украина президентларини Янги йил билан табрикламаётган эди. Россия президенти украиналик ҳамкасбига сўнгги бор 2013 йил декабрида табрик йўллаган — ўшанда Украина президенти Виктор Янукович эди.