Кураш бўйича ўзбекистонлик Осиё ўйинлари чемпиони допинг сабаб 4 йилга четлатилди

Кураш бўйича Ўзбекистон терма жамоаси аъзоси Гулнор Сулаймонова тўрт йил муддатга спортга оид фаолиятдан четлатилди, дея хабар қилмоқда «Olamsport».

Спортчининг Жанубий Кореяда ўтказилган Жаҳон Чемпионати вақтида топширган таҳлилидан тақиқланган метаболит моддаси топилган.

Сулаймонова 2018 йилги Осиё ўйинларида олтин медални қўлга киритганди. Таъкидланишича, ушбу жазонинг Осиё ўйинларидаги муваффақиятига алоқаси йўқ.

Шунингдек, ўзбекистонлик курашчи Аброр Жабборов ҳам допинг сабаб икки йил муддатга дисквалификация қилинди.

Мазкур спортчиларнинг Жанубий Кореядаги Жаҳон Чемпионатида қайд этган натижалари бекор қилинди.