«Наполи» бош мураббийи Карло Анчелотти истеъфога чиқарилди. Бу ҳақида неаполликлар клуби матбуот хизмати маълум қилди.
«Клуб президенти Аурелио де Лаурентис ва Карло Анчелотти ўртасидаги дўстона муносабат ўзгармай қолади», — дейилади клуб баёнотида.
60 ёшли мутахассис Чемпионлар Лигаси 6-тури доирасида «Генк»га қарши баҳсда ғалабага эришиб (4:0), жамоасини мусобақа 1/8 финалига олиб чиққанди.
Бироқ «Наполи» Италия А Сериясида кетма-кет 9 ўйиндан буён ғалаба қозона олмаяпти. Жамоа айни дамда 7-поғонани эгаллаб турибди.
Аввалроқ Анчелоттининг ўрнини «Милан» собиқ устози Женнаро Гаттузо эгаллаши хабар қилинганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)